خدعة جميلة جدا " قلم و وورقة صغيرة"

الخدعة:
و الله مدري كيف أوصفها .. الخدعة مرة حلوة, اقرا بس

الإعداد:
كوتشينة + قلم و ورقة صغيرة.

الخدعة:
1- خلى المشاهد ( Magic Smile ) يخبص الورق و يعطيك إياه. خذ اي 15 ورقة, بس لا تبين نفسك إنك قاعد تعد, مثل إنه كل شي عشوائي *ناخذ كم بطاقة*. طريقة سهلة إنك تاخذ 3 بطاقات, 3, بعدين ثلاثة, صاروا 9, بدون ما تعد, مرتين و تصير 15. شيل الكوتشينة لأنك ما راح ترجعلها. بسم الله نبدأ.

2- افتح البطاقات و احفظ البطاقة اللي في نص ( ترتيبها 8 من فوق أو تحت ), و اكتب اسمها في الورقة, لا تخلي آحد يشوف اللي كتبته.

3- أعطي المجموعة للمشاهد, و خليه يوزع البطاقات في مجموعة وحدة على الطاولة, بس يمديه يوقف متى ما يبغى. ( يعني يحط 4 مثلا, او 10 .. الخ على كيفه ). أنت بطاقتك اللي حفظتها ترتيبها 8 من فوق. عد بصمت كم بطاقة وزع, الحين فيه 3 احتمالات:

أ) 7 او 8: قوله يشوف اول بطاقة بطاقة في بده ( لو 7 على الطاولة ), او يشوف اول بطاقة على الطاولة ( لو وزع 8 بطاقات ). هذي البطاقة اللي كتبها على الورقة! أنهي الخدعة هنا ( هذي راح تصير كثير, اغلب الناس يوقفون عند 7 لسبب ما )

ب) أقل من 8: قوله يشوف اول بطاقة على الطاولة, يحفظها و برجعها و يحط البطاقات اللي معاه فوق الكل.

جـ) أكثر من 8: قوله يشوف أول بطاقة في يده و رجعها, ياخذ البطاقات اللي على الطاولة و يحطها فوق الكل.

5- بعد ب أو جـ, خليه يعطيك المجموعة, عد 8 بطاقات ( مع عكس ترتيبها ), و حطها في الطاولة مقلوبة ( الوجه لفوق ), و حط الباقي الوجه لتحت. وريهم اسم البطاقة اللي في الورقة.

6- احين خذ أول بطاقة من كل مجموعة مع بعض ( وحدة راح تكون مقلوبة, و الثانية عادي ). استمر ألين ما تشوف البطاقة اللي كتبتها, البطاقة اللي معاها هي بطاقة المشاهد.

لمسات أخيرة:
- الشرح طول, بس الخدعة مرة قصيرة. لا تخلي الشرح يلهيك عنها, تراها مرة جيدة

- في أوووووول الخدعة, لما تعد 15 بطاقة, مرة مهم إنك ما تطالع في الكوتشينة, خلي نظرك على المشاهد و كلمه, و انت قاعد تتكلم, خذ البطاقات 3-3-3-3-3, راح يكون معاك 15 بدون ما تعد براصك و تدوخ.

- في الخطوة 2, لما تفتح البطاقات عشان تحفظ البطاقة اللي في النص, عشان ما تلفت الانتباه, افتح البطاقات عاااادي و قول *مقتنع بخبصك* او *البطاقات كلها مختلفة* .. اي شي يبرر فتحك للورق, و لا تقعد ساعة, بس احفظ الباقة اللي في النص بسرعة.